Поранешниот колумбиски претседател Алваро Урибе е осуден во петокoт на 12 години домашен притвор за фалсификување сведоци и измама за време на судска истрага, со што стана првиот поранешен шеф на држава осуден и лишен од слобода во Колумбија, изјави за АФП извор близок до случајот.

На 73-годишниот конзервативен поранешен лидер, кој владееше со својата земја од 2002 до 2010 година, му беше забрането да извршува каква било јавна функција повеќе од осум години, според судски документ што протече во печатот, чија автентичност ја потврди извор близок до случајот, кој побара да не биде именуван.

Алваро Урибе беше прогласен за виновен во понеделникот за обид за притисок врз сведок да избегне поврзување со екстремно десничарски паравоени групи вклучени во крвавата војна против герилците, на првото судење на поранешен колумбиски претседател