Објавени се деталите за GTA V

Loading...

Rockstar Games во најновото дигитално издание на Game Informer открија дека во новата GTA V ќе има 3 главни ликови со кои ќе може да се игра. Се работи за Michael, Trevor и Franklin. Играчите ќе можат цело време да се префрлаат од еден на друг лик, и така мисиите да ги гледаат “од друга перспектива”. 

Michael е пензиониран ограбувач на банки кој е под програмата за заштита на сведоци, а поради својата сопруга, која ја потрошила криминалната “заштеда”, сега мора да се врати на улиците. Trevor е опишан како психопат и наркоман со кариера на криминалец кој е склон кон насилство. Последниот лик е младиот Franklin, кој е најспособниот член на групата. 

Овие тројца се здружуваат за заедно полесно да го измамат системот и да извршуваат кражби, кои претставуваат голем дел од оваа игра. Секој лик има и свои способности. Играчите ќе бираат со кој лик сакаат да пројдат одредена мисија.

Los Santos е најголемиот свет кој досега го имаат изградено во Rockstar Studios. Се работи за свет поголем од Red Dead Redemption и San Andreas заедно, а освен градовите, во оваа игра ќе може да се истражуваат и подводните површини. Во оваа игра возилата имаат пореални движења. Освен автомобилите и моторциклите, во играта се достапни авиони, хеликоптери, камиони итн. Дообработени се борбите, а пешаците кои се движат по улиците изгледаат многу пореално од претходните изданија. 

На ликовите ќе може да им се менува облеката, а GTA V ќе има и оригинален soundtrack. Секој од ликовите има сопствен живот, сопруга, пријатели итн. со кои ќе се среќаваме додека не сме на мисии, а освен тоа, секој лик има и сопствено хоби. Низ играта се јавуваат и некои ликови од претходните GTA игри. 

Играта треба да излезе на пролет, а моментално е закажана само за Xbox и PlayStation. Ќе има и multiplayer, но до сега Rockstar немаат откриено многу детали околу тоа. 

 

Ви препорачуваме да ги погледнете и следните статии:

 

Angry Birds во Star Wars верзија

 

Американски специјалци кажувале воени тајни за подобри видео игри

 

Diablo III се продаде во 10 милиони примероци, WoW загуби 1,1 милиони корисници

 

loading...
Loading...