Пари има 25 години, по потекло е Иранка, а израснала во Холандија. Моментално живее во Берлин, а нејзиниот сон е да стане модел. На прв поглед, ништо необично, има многу такви девојки. Но не е така.Она што ја прави различна пари од останатите натпреварувачки во актуелната сезона од популарното шоу „Топ модел“ кое се емитува во Германија е тоа што Пари до пред само неколку години всушност била маж.
Оваа, денес убава девојка, е родена како маж, но никогаш не се чувствувала така.
„Израснав во сосема погрешно машко тело. Уште на 4 години се шминкав со карминот на мајка ми и самата си правев фустани од завеса“, објаснува Пари.
На 19 години одлучила да направи операција за промена на полот. Промената која одамна ја посакувала и донела самодоверба, но и среќа. Пари вели дека конечно се чувствува исполнето и дека нејзиниот живот дури сега има смисла.
Пари има момче. По две годишна врска му признала дека имала промена на полот.
„Беше ногу изненаден кога му кажав, но го поднесе тоа како вистински џентлмен“, вели таа.
На прв поглед навистина е тешко да претпоставите дека некогаш била маж. На пистата таа изгледа грациозно, а колку добро се снаоѓа на потпетици покажала во првата епизода од шоуто кога натпреварувачите имале задача да одат на високи потпетици по лизгава писта.
Во германската верзија на ова шоу Пари е прва трансексуалка. Во Америка во 2008 година учествувала Исис Кинг (29) која на крај го земала десеттото место.
Она што ја прави различна пари од останатите натпреварувачки во актуелната сезона од популарното шоу „Топ модел“ кое се емитува в
