Тутунарите кои денеска го предаваа тутунот во Прилепскиот монопол изразија задоволство од откупната цена постигната за оваа година и од субвенциите од 60 денари обезбедени од Владата. Просечната цена за откуп на тутунот во земјава во моментов изнесува 188,5 денари, но на денешната средба со лидерот на ВМРО-ДПМНЕ Никола Груевски дел од тутунарите рекоа дека постигнале цена од 196 денари и оти очекуваат таа да достигне и над 200 денари.-Просечна цена 195-200 денари плус 60 денари од Владата, ќе биде околу 280 денари и сме преблагодарни, вели еден од тутунарите.
-Одлично е годинава и лани беше добро, годинава е прекрасно и Комбинатот ја крена цената за 3-4 денари на класа, се гледа да му се помогне на народот. Ние сме презадоволни. Имаме доверба во вас. Ги гледаме резултатите, каде бевме пред десет години, а каде сме сега, сега сме два пати појаки од пред десет години, вели тутунар.
-Едно евро тутун воведовме во 2009-та година. Во 2007-ма беше 30 денари, па 45 во 2008-мата и 60 денари во 2009 година и така ќе остане. Исплата навреме и законот се донесе за да се следи процедурата дали е добра за откупот, како и за цената по класи дали е прецизно направена, истакна Груевски во разговорите со тутунарите.
Лидерот на ВМРО-ДПМНЕ се интересираше освен за цената и за тоа дали тие се задоволни од Законот за тутун со којшто се подобруваат условите и се гарантира цената на овој производ. Тој истакна дека во изминатите пет години се исплатени 52 милиони евра субвенции за тутунарите во Прилеп, Кривогаштани и Долнени.
– Оваа година во откупот на тутунот се вклучени шест компании и две дополнително. За оваа и за следната година се обезбедени средства за субвенции за тутунот, а тоа е предвидено и во Програмата на ВМРО-ДПМНЕ и за следните четири години, рече Груевски.
Како што се оценува, годинашната реколта тутун е со исклучително добар квалитет и се очекува таа да резултира со откупени 18.000 до 19.000 тони тутун.
-Просечна цена 195-200 денари плус 60 денари од Владата, ќе биде околу 280 денари и сме преблагодарни, вели еден од тутунарите.
-Одлично е