Брендот Volkswagen Комерцијални возила го поддржува настанот Arqueonautas.Десет црни Volkswagen Multivan возила со Highline ниво на опрема беа наменети за превоз на оскаровецот Кевин Костнер и неговиот бенд “Modern West” до ексклузивната локација „Spindler & Klatt“ во Берлин. Повод беше модната недела во Берлин и претставувањето на новата колекција пролет и лето на модниот бренд Arqueonautas. Холивудската ѕвезда е партнер на модниот бренд кој и припаѓа на Ото групацијата.
Кевин Костнер се чувствуваше како дома во возилата од брендот Volkswagen Комерцијални возила. “Кога ќе влезам во Multivan, јас се чувствувам како дома”- изјави актерот, кој воедно е и продуцент и режисер.
Елке Елер, член на одборот за човечки ресурси во Volkswagen Комерцијални возила, и посака топло добредојде на холивудската ѕвезда во Берлин и изјави: “Воодушевена сум што Кевин Костнер секогаш кога доаѓа во Германија сака да патува со нашите Multivan возила од брендот Volkswagen Комерцијални возила. Кевин Костнер многу добро го познава моделот Multivan Highline, бидејќи тој во 2011 година го користеше ова комбе кога со својот бенд беше на турнеја низ Германија. Големата филмска ѕвезда кога е во Америка, поточно во својот роден град Санта Барбара, се вози во Volkswagen Touareg.
Од месец мај оваа година Кевин Костнер може да се види на големото платно играјќи ја главната ролја во новиот трилер „3 Days to Kill “ каде што игра заедно со актерката Амбер Херд. Тој исто така ја има главната улога во филмот „Draft Day“, филмска драма со спортска тематика, која во моментов се прикажува во кинo салите во САД. Кевин Костнер оваа година ја продолжува својата улога на спортист и во филмот „McFarland“, чија премиера е закажана за ноември месец, и каде што глуми учител по физичко во едно средно училиште.
Флотата на холивудската ѕвезда е составена од 10 Volkswagen Multivan Highline комбиња кои се опремени со моќни мотори со 132 kW односно 180 КС и кожни седишта. Возилата имаат систем за навигација и затемнети прозорци. Особено практична е функцијата Digital Voice за прилагодување на звучниците кои се сместени во покривот. Системот им помага на возачот и патниците во задниот дел полесно да комуницираат. Најновиот наследник на легендарниот „Bulli” е омилено возило на холивудската ѕвездата. Најчесто кога патуваат големите музички и филмски ѕвезди го претпочитаат Multivan, пред неговите конкуренти. Бидејќи пред се Multivan е култно возило. На пример брендот Volkswagen Комерцијални возила неодамна го имаше статусот на официјално возило на акциониот филм “The Expendables 3” за време на Канскиот филмски фестивал.Десет црни Volkswagen Multivan возила со Highline ниво на опрема беа наменети за превоз на оскаровецот Кевин Костнер и неговиот бенд “Modern West”