Министерството за внатрешни работи ја информира јавноста, дека за утре (01.12.) од 12,00 часот е закажан јавен собир во Скопје и поради тоа ќе бидат преземени мерки за посебен режим на сообраќајот, односно истиот ќе биде пренасочен на улицата „11-ти Октомври“ и улицата “Димитрие Чуповски“, потоа на потегот од крстосницата помеѓу улицата „Димитрие Чуповски“ и улицата „Даме Груев“ до крстосницата помеѓу улицата „11-ти Октомври“ и улицата „ Филип Втори Македонски“.
МВР апелира до граѓаните да ги почитуваат наредбите што ги издаваат полициските службеници.
