Само вчера се регистрирани шест нови пациенти со морбили (мали сипаници). На Клиниката за инфективни болести и фебрилни состојби се хоспитализирани 20 пациенти, меѓу нив и едномесечно бебе со Даунов синдром од Куманово. Тоа е со потешка клиничка слика и претходно било лекувано на Клиниката за детски болести, соопшти Министерството за здравство.
Амбулантски се прегледани пет пациенти со симптоми на морбили, од кои едно шестгодишно дете од скопското село Љуботен, вакцинирано со една доза, како и четири возрасни пациенти (двајца од Скопје, и по еден од Дебар и од Куманово). Според проценката на лекарите нивната состојба не е толку загрижувачка, па биле пуштени на домашно лекување.