Христијанската група која го испратила Чау на островот тврди дека тој би отпатувал и без нивна помош. Тој осум години го планирал патувањето до местото каде што живее племе старо 30.000 години, познато по својата непријателска природа према надворешниот свет.
„Тој беше емотивно, културно, физички, интелектуално многу, многу подготвен. Тој беше млад човек кој сакаше да работи мисионерска работа уште од својата 18-та година и сакаше да биде наречен мисионер“, изјави за Канзас Сити Стар водачот на мисионерската група „Сите нации“, на која припаѓаше Џон.
Чау, за кој властите велат дека пристигнал во синџирот на острови во средината на октомври, напишал за обидите да воспостави контакт со Сентинелезите по слетувањето на островот кој не е дозволен. Во записот од 16 ноември, тој рече дека пишувал додека бил на рибарски брод во заливот во југозападниот дел на островот Северен Сентинел. Тој напишал за првичниот контакт со племето и дека морал да побегне за да си го спаси животот.
Ракописот на Чау е тешко да се прочита на страниците на дневникот, но може да се издвојат делови.
„Островјаните го видоа тоа и го блокираа мојот излез“, напиша тој, пишувајќи за првиот пат кога налетал на членовите на племето. „Едниот го блокирал (невооружен), додека другиот (вооружен со нож)“. Тој рече дека „им им проповедал малку почнувајќи од Битие“.
Еден од членовите на племето „ме застрела со стрела -директно во мојата Библија што ја држев пред моите гради“, напиша Чау, велејќи дека ја откинал стрелата на страница 453 од книгата Исаија.
„Се сопнав назад и се сеќавам дека му викав на (членот на племето) дека ме застрела“. Тој напишал дека побегнал, а членовите на племето го бркале, а тој „морал да плива околу една милја назад до чамецот на устието на заливот“.
Чау постојано се враќал на својата вера во следењето на членовите на племето.
„Ова не е бесмислена работа“, напиша Чау. „Вечниот живот на ова племе е при рака.
„Ве сакам сите и се молам никој од вас да не сака ништо на овој свет повеќе од Исус Христос“, напиша тој во завршувањето на дневникот од 16 ноември.
На 17-ти Ноември, еден ден по неговиот последен запис во дневникот, рибарите виделе членови на племето на плажата како закопувале тело за кое верувале дека е Чау врз основа на „силуетата на телото, облеката и околностите“
