Тие во меѓувреме ја напуштиле Италија, а целиот настан е забележан на надзорните камери.
Група млади германски туристи, позирајќи за фотографија, биле обвинети дека урнале вредна статуа во вила на северот на Италија, рекол управникот на вилата Бруно Голферини.
Двајца од групата се качиле на фонтаната за да ја прегрнат скулптурата „Домина“ на уметникот Енрике Бути, а вториот ја турнал со стап, пред статуата со висина од 1,7 метри да се урне на земја, рекол Голферини, управник на Вила Алчео во градот Виџу.
Голферини рекол дека поднел пријава во локалната полиција против сите 17 германски туристи кои биле во групата која ја изнајмувала вилата.
Тие во меѓувреме ја напуштиле Италија, а целиот настан е забележан на надзорните камери.
Статуата е стара околу 150 години, а нејзината вредност се проценува на околу 200.000 евра, вели Голферини и додава дека поправката е отежната поради големото оштетување на плочките во фонтаната.
„Домина на некој начин беше жена која ја штитеше вилата. За жал, постојат луѓе кои прават такви работи“, рекол Голферини.
