Британскиот Дејли Мејл на својот профил на YouTube објави видео со дрон за кое тврди дека е снимено во јуни на фронтот кај селото Роботин во областа Запорожје во Украина.
Ова село беше упориште на руските сили на одбранбената линија против украинската контраофанзива, а на крајот на минатиот месец падна под контрола на Киев.
На видеото се гледа како германскиот тенк „Леопард“, кој Берлин го испратил на украинската армија, триумфира во битка со два руски тенкови.
Дејли мејл наведува дека се работи за ретко видео од ваква директна пресметка на јужното бојно поле, на која може да се види како „Леопард“ пука кон руски тенкови.
Иако растојанието меѓу него и нив е речиси три километри, екипажот на „Леопардот“ постигнува еден директен удар.
Се вели дека после тоа рускиот тенк, кој е оштетен, но не уништен, се повлекува од битката.
Дејли мејл пишува дека потоа по првиот следи друг руски тенк, стравувајќи дека ќе ја доживее истата судбина.
Се вели дека иако и Русија и Украина имаат големи тенковски војски, нивните директни ангажмани се ретки.
Овие оклопни борбени возила се толку вредни за двете страни што избегнуваат отворени битки еден на еден.
Наместо тоа, се вели дека тенковите се користат за поддршка на пешадиски напади и како артилерија.
„Дејли мејл“ заклучува дека е уште поневообичаено да се види тенк кој Западот и го дал на Украина како ги напаѓа Русите.
Пронајдете не на следниве мрежи:
