Како што објавија каналите Телеграм кои го следат конфликтот во Нагорно Карабах, во борбата се вклучија и артилериски единици на ерменските сили, а голем број експлозии одекнаа во зоната на борбен контакт.
Според воените дописници, на бојното поле се присутни борбено-извидувачки и камиказе беспилотни летала.
Според првите непотврдени податоци загинале 6 припадници на азербејџанските безбедносни сили. Главниот град на меѓународно непризнатата Република Арцах, Степанакерт, во моментов е под артилериски оган.
На социјалните мрежи беше објавен видео материјал на кој се гледа дејството на високопрецизната ракета ТРГ-300 Касирга (калибар 300мм) врз ракетниот систем „Тор-М2КМ“ кој бил дел од силите за воздушна одбрана на Степанакерт.
Да потсетиме, денеска Азербејџан започна „антитерористичка операција“ од локален карактер во Нагорно Карабах со цел да се воспостави уставен поредок, соопшти републичкото Министерство за одбрана.
Пронајдете не на следниве мрежи:
