Словенечкиот министер за внатрешни работи Боштјан Поклукар потврди дека Словенија ќе го суспендира Шенгенскиот договор и ќе воведе контроли на границата со Хрватска и Унгарија, велејќи дека за тоа денеска ги информирал министрите за внатрешни работи на овие две земји.
Според него, Министерството за внатрешни работи на Словенија веќе подготвило официјално известување во согласност со Шенгенскиот договор, кое Владата ќе го одобри утре, а потоа ќе го испрати до Европската комисија, објави Индекс.
Поклукар објасни дека причината за воведувањето на оваа привремена мерка е иста како и во Италија – зголемувањето на заканата од тероризам во Европа.
- 63 години по катастрофалниот земјотрес, Градот Скопјe организираше бесплатна панорамска автобуска тура за граѓаните
- Дел од паднатите дрвја низ Скопје ќе завршат како огрев за социјално загрозени семејства
- Османи: Четири години велам дека протоколите не се дел од Преговарачката рамка, Муцунски денеска го потврди тоа
- Тајната на птичјата песна: Научниците открија кои осум звуци ги сочинуваат сите песни во светот
- Македонски државјанин во Улцињ лишен од слобода откако убил куче прегазувајќи го со автомобил
- СДСМ Гостивар бара одговорност за труењето на граѓаните со отровна вода
- Хали Бери за перименопаузата како посебен процес: Мојот сексуален живот се врати во нормала
- Донарума се ожени со долгогодишната партнерка Алесија Елефанте: Халанд и Манчини беа на раскошната церемонија (фото)
- Рангирање на богатство по возрасен човек: Како се споредува Европа со најбогатите земји во светот?
„Гледаме што се случи во Франција и Белгија. „Словенија не е исклучок“, предупреди словенечкиот министер за внатрешни работи и додаде дека неговата земја сака превентивно да воспостави дополнителни проверки на балканската бегалска рута.
Поклукар не сакаше да открие кога полицајците ќе почнат со граничните контроли бидејќи, како што истакна, за воведувањето на оваа мерка допрва треба да разговараат словенечката влада и Европската комисија.
„Верувам дека со тоа ја зголемуваме безбедноста на Словенија, што е наш врвен приоритет. Ситуацијата на Блискиот Исток е комплицирана и мораме да направиме се што е во наша надлежност за безбедноста на Словенија“, изјави министерот за внатрешни работи на Словенија.
Пронајдете не на следниве мрежи:
