Претседателот на Турција, Реџеп Таип Ердоган, порача денес во Истанбул, во обраќањето на милионскиот собир за поддршка на Палестина, дека Западот е најодговорен за масакрот во Газа.
Турскиот претседател пред милион и пол граѓани собрани на Големиот митинг за поддршка на Палестина во Истанбул, ја поздрави посветеноста на жителите на Газа кои не ги напуштаат своите домови, град, без оглед на бомбардирањата од израелскиот агресор.
- Вучиќ: Америка ги укина нашите царини — од 35 проценти, се намалија на нула
- Измените на Законот за студентски стандард во фаза на амандманска расправа
- Русите со ракети нападнаа саем за оружје во близина на Киев: 10 лица беа убиени, а повеќе од 100 беа ранети
- Екстремната топлина уништи девет милиони тони посеви во Европа: Дали се заканува нов бран на зголемување на цените на храната?
- Реконструкцијата на Венецуела би можела да чини речиси 50 милијарди долари
- СДСМ: Орце пуштил дрон, од воздух ќе го спасува Вардар
- ЕУ воведе нови санкции кон Иран: Пет судии и клучен член на хакерската група „Ашијане“ се на црната листа
- Дали стриите можат да се отстранат без медицински третман? Дерматолозите открија методи
- (Видео) Мечка се заклучила во автомобил и цела ноќ свирела на сирената
- СДСМ бара оставки од Клековски, Андоновска и Миланов: „Институциите не го заштитија здравјето на граѓаните“
„Западот е најодговорен за масакрот во Газа. Масакрот во Газа е целосно дело на Западот“, рече Ердоган.
„Тие (Западот) знаат како да убиваат“, рече Ердоган, потсетувајќи дека во Втората светска војна токму некои западни земји масовно ги истребуваа Евреите во гасни комори, а некои со атомски бомби бришеа градови од лицето на Земјата заедно со нивните жители.
Ердоган на митингот за Палестина му се обрати на Западот со зборовите:
„Дали се обидувате повторно да ја разгорите борбата на крстот и полумесечината? Ако тоа е вашата цел и намера, знајте дека овој народ не е мртов.“
„Западниот свет ги мобилизира своите политичари и медиуми за да го легитимизира масакрот на невините луѓе во Газа. Израел врши воени злосторства.“
Остро критикувајќи ги двојните стандарди на многу земји кога станува збор за страдањата на цивилите во Украина и Палестина, Ердоган рече дека „оние кои леат крокодилски солзи за цивилите убиени во украинско-руската војна, немо ја гледаат смртта на илјадници недолжни деца во Газа.“
– „Турција не му должи ништо на Израел, Западот му должи“
Во своето обраќање, на кое присуствуваа и претседатели на голем број партии, уметници, дипломати и други високи официјални претставници, турскиот претседател рече дека Турција ништо не му должи на Израел и дека поради тоа можат слободно да кажат што мислат и да ги изнесат фактите.
„Израел многу беше вознемирен кога реков дека Хамас не е терористичка организација. Знаевте дека ќе го кажам тоа. Она што го знаеме јасно и го порачавме. Западот ти должи, но Турција нема долгови кон тебе. Поради тоа зборуваме така комотно. Ердоган зборува вака бидејќи Турција не ти должи ништо“, рече турскиот претседател, обраќајќи му се на Израел.
Ердоган потсети дека Израел во Газа веќе 22 дена врши воени злосторства.
„Израел веќе 22 дена врши воени злосторства. Израеле, во светот ќе те прогласиме за воен злосторник. Работиме на тоа. Израел нема ни најмал проблем за убивање луѓе. Јасно велат: ‘Ние знаеме како да убиваме’, но ќе платите висока цена за тоа“, порача Ердоган и додаде:
„Сите знаат дека Израел е само пион во регионот, кој ќе биде жртвуван кога ќе дојде денот.“
– „Колку деца, жени и стари лица мора да умрат пред да прогласите прекин на огнот?
Обраќајќи им се на светските лидери, Ердоган праша колку деца, жени и стари лица ќе мора да умрат пред да биде прогласен прекин на огнот?
„Книгата на гревовите на Западот повторно отиде далеку од рамките на играта. О, свету, видете ги сите факти, генералниот секретар на ОН повикува, вие не слушате, станавте глуви, станавте слепи. Во Газа не станува збор за одбрана, се спроведува отворен и подол масакр. Тие сакаат масовно да ги уништат жителите на Газа преку глад, жед и рушење на здравствените служби“, рече Ердоган.
Тој повтори дека Турција и турскиот народ стојат покрај Газа, но и покрај другите угнетени луѓе во светот.
„Како што сме со оние кои гледаат кон нас со своите срца и очи, така и денес стоиме со Газа. Пролеавме солзи за многу подрачја, од Крим до Карабах, од Босна до Киркук, од Палестина до Туркестан, од Авганистан до Чеченија. Овде, не само што ги осудуваме масакрите во Газа, туку ја браниме сопствената независност и иднина“, порача турскиот претседател.
Пронајдете не на следниве мрежи:
