Тринаесет годишната Марија од Херисау, Швајцарија, паднала во снегот кој целосно ја затрупал, а кога ја пронашле нејзиниот 11-годишен брат и родителите, таа била во несвест со помодрено лице.
За среќа помалиот брат брзо реагирал и ја спасил.
„Марија и Орландо правеа куќа од снег додека ние бевме во домот“, изјави мајката Фиорела за швајцарските медиуми. Во еден момент слушнале како малиот Орландо панично ги довикиува, а кога излегле надвор го затекнале како копа во снегот.
„Тоа беше борба за живот и смрт“, додала мајката.
Заедно успеале да ја пронајдат затрупаната ќерка која веќе имала помодрени усни и била без витални знаци на живот.
Веднаш ја искапеле со топла вода по што 13 годишното девојче почнало да се освестува.
„Марија немаше да биде жива доколку Орландо не реагираше толку брзо. Се можеше да заврши многу лошо“, истакна Фиорела. По оваа случка девојчето доживеало шок, но не морало да оди во болница, па веќе следниот ден била надвор со својот брат и си играла на снегот.
Пронајдете не на следниве мрежи:
