Бугарскиот парламент денеска донесе одлука за укинување на дополнителниот данок на рускиот гас и ограничувањата за руската нафта.
Според бугарските медиуми, и покрај прекините, поради противењето на опозицијата, со гласање беше укината дополнителната такса за транспорт на руски гас преку Бугарија и беше прифатен амандманот со кој се забрзува укинувањето на ограничувањата за увоз на руска нафта, од што примарно е во корист на рафинеријата „Лукоил Нефтохим“.
Дополнителниот данок на рускиот гас е укинат откако Унгарија објави дека ќе стави вето на влезот на Бугарија во Шенген зоната.
Бугарија на 13 октомври воведе такса за транзит на рускиот гас низ нејзина територија во висина од 10 евра за мегават час, од која очекуваше годишен приход од 1,2 до 1,5 милијарди евра.
Пронајдете не на следниве мрежи: ©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола од ПУЛС24.MK или посебен договор, не е дозволено преземање, користење или реемитување на вестите.