Една од најморбидните љубовни приказни на сите времиња е секако онаа на германскиот лекар Карл Танцлер, кој во 1931 година се заљубил во пациентка што ја лекувал од туберкулоза, а откако таа починала не сакал да се раздели со нејзиното тело цели седум години.

Карл Танцлер бил роден во Дрезден во 1877 година, а во дваесеттите години на минатиот век се преселил во Зефирлис, Флорида, заедно со сопругата и двете ќерки. Набрзо бил префрлен во Ки Вест, каде заминал без семејството. Таму се вработил како радиолошки техничар во локална болница и го сменил своето име во Карл фон Козел, понекогаш претставувајќи се како гроф.

Во 30-тите, тој ја запознал пациентката Елена де Ојос, која боледувала од туберкулоза, а нејзината мајка ја донела во болница. Како момче во Германија, Танцлер наводно фантазирал за егзотична убавица, а кога ја видел Елена се уверил дека тоа е таа.

Иако не бил стручњак, бил решен да ја спаси и дошол кај нејзините родители со медицинска опрема, подароци, накит, облека и редовно и’ изјавувал љубов. Набрзо Елена починала, а тој две години секој ден го посетувал нејзиниот гроб и тврдел дека нејзиниот дух му пее на шпански.

Тој престанал да доаѓа, а она што никој не го знаел е дека во мај 1933 година, го украл нејзиниот труп и го однел дома.

Тој станал опседнат со зачувување на нејзиното тело

Нејзините коски ги закачил со жичани закачалки и жици, ѝ стави стаклени очни јаболка во очните дупки и гнилиот месо го замени со свилени нишки обработени со восок и гипс. Нејзината стомачна празнина ја наполнил со партали за да ја задржи формата на човечко тело. Нејзината коса, која му ја подарила мајката на Елена, ја сошил на главата и ставил облека и накит, а смрдеата се обидел да ја сокрие со парфеми и формалдехид.

Со оглед на тоа што и’ вметнал хартиена туба во вагиналната празнина, постои сомневање дека имал сексуални односи со телото на мртвата Елена, но тоа никогаш не го признал. Она што е сигурно е дека секоја вечер спиел во кревет покрај неа, а со нејзиното тело повремено танцувал низ куќата.,,Болната бајка” ја прекина сестрата на Елена

По седум години во семејството на покојната Елена стигнале гласини дека докторот ноќе танцува со нешто како кукла. Нејзината сестра Флоринда тропнала на неговата врата и го пронашла телото на нејзината сестра. Таа повикала полиција, а Танцлер веднаш бил уапсен.

Наодите на психологот потврдиле дека тој можел да го следи судењето, а според она што го рекол, планирал „да лета во стратосферата со неа, за зрачењето од вселената да и’ го врати животот“. Судењето неколку пати беше одложувано, а Танцлер на крајот беше ослободен поради застареност. Телото на Елена било изложено во локалната мртовечница, а дури 6.000 луѓе дошле да видат што останало од несреќната девојка.

Таа на крајот беше погребана во необележан гроб на локалните гробишта Ки Вест. Танцлер починал во 1952 година, а бил пронајден само еден месец по неговата смрт на подот од неговиот стан. Крајот на животот го дочекал со маска со ликот на Елена, која ја направил од гипс.