Најмалку 30 лица загинаа во земјотресот со јачина од 7,6 степени според Рихтеровата скала што ја погоди Јапонија вчера, соопштија денеска локалните власти.
Меѓу смртните случаи има седум жртви во општинската болница Ваџима, јави јапонската новинска агенција Кјодо, цитирајќи ги градските власти.
TERREMOTO EN JAPÓN 🇯🇵 Olas de tsunami llegando a #Ishikawa, tras el terremoto de 7.6. pic.twitter.com/In7il6giPM— El Clarín (@SVElClarin) January 1, 2024
Спасувачките операции продолжуваат.
Во градот Ваџима, во тешко погодената префектура Ишикава, изгореа повеќе од 100 згради во една населба, јави јапонската телевизија НХК. Владата соопшти дека околу 1.000 луѓе се сместени во воздухопловната база во Ваџима и се обезбедени со ќебиња, вода и храна.
If you stand with the people of Japan , during this tough time in which they are experiencing a Tsunami and earthquake ; U wont pass without liking this tweet ❤May God protect the children mothers & people of Japan from the Tsunami #Japan #earthquake pic.twitter.com/KxfThbS2rV— द्रोण 🔥 (@dronaparashar) January 1, 2024
Јапонија вчера ја погодија серија силни земјотреси, од кои најтешкиот достигна магнитуда од 7,6 степени, предизвикувајќи повредени и штети, а властите издадоа предупредувања за цунами.
Јапонската метеоролошка агенција денеска ги укина предупредувањата за цунами.
Земјотресот предизвика цунами со висина од околу 1,2 метри во Ваџима, додека бранови помали од еден метар беа забележани на други локации, соопшти Јапонската метеоролошка агенција.
Агенцијата предупреди на дополнителни силни земјотреси во текот на неделата, особено во следните два или три дена.
#Japan #earthquake This aerial photo shows buildings burning in the city of #Wajima, Ishikawa prefecture on January 1, 2024, after a major 7.5 magnitude earthquake struck the #Noto region in Ishikawa prefecture in the afternoon. pic.twitter.com/3ZBRZdE9R4— Mahmood Khan (@Mahmood88239370) January 1, 2024
Плиткиот земјотрес се случи во понеделникот во 16:10 часот (07:10 по Гринич), а епицентарот беше во регионот на полуостровот Ното на Јапонското Море. Беше почувствуван од Хокаидо во северна Јапонија до југозападниот главен остров Кјушу.
Јапонија е една од земјите со најмногу земјотреси во светот.
