Министерството за одбрана на Велика Британија денеска соопшти дека 20.000 припадници на британската Армија ширум Европа ќе учествуваат во голема вежба на НАТО во првата половина од оваа година, како и воени бродови и борбени авиони.
Министерството за одбрана на Велика Британија соопшти дека 16.000 британски војници ќе бидат стационирани во источна Европа од февруари до јуни, како и ударна група носачи на авиони, нападни авиони F-35 и авиони за набљудување.
Вежбата на НАТО – „Steadfast Defender 24“ ќе ја одбележи 75-годишнината од основањето на Алијансата.
НАТО го зголеми бројот на борбено подготвени војници откако Русија ја нападна Украина пред речиси две години.
Министерот за одбрана на Велика Британија, Грант Шапс, по повод вежбата изјави дека таа ќе покаже дека 30. земји членки на НАТО и Шведска обезбедуваат безбедна одбрана од руската закана.
Пронајдете не на следниве мрежи:
