Неколку американски конгресмени ја повикаа администрацијата на Бајден да преземе акција против Иран по нападот со беспилотно летало за кој се обвинети милитантите поддржани од Иран врз база во Јордан, каде се убиени тројца американски војници а ранети 25 други.
Ова е првпат американски воен персонал да биде убиен за време на непријателски оган на Блискиот Исток од почетокот на војната меѓу Израел и Хамас, а инцидентот дополнително ќе ги зголеми тензиите во регионот и ќе ги подгрее стравувањата од поширок конфликт што директно ќе вклучи Иран.
Како одговор, неколку американски конгресмени го повикаа претседателот Џо Бајден да одговори со напад на Иран.
U.S. Central Command has now Confirmed the Death of 3 American Servicemembers and the Injury of at least 25 others in a One-Way “Suicide” Drone Attack on a Patrol Base in Northeastern Jordan near the Border with Syria and Iraq. pic.twitter.com/qc5sgK42l3— OSINTdefender (@sentdefender) January 28, 2024
– Единствениот одговор на овие напади мора да биде разорна воена одмазда против иранските терористички сили, како во Иран, така и на целиот Блиски Исток – изјави републиканскиот сенатор Том Котон.
Републиканскиот сенатор Линдзи Греам рече: „Единственото нешто што иранскиот режим го разбира е силата. Сè додека не ја платат цената со својата инфраструктура и својот персонал, нападите врз американските војници ќе продолжат“.
WaPo: “The one-way attack drone struck the living quarters of a base, a defense official said, causing injuries ranging from cuts and bruises to brain injuries and some that required a medical evacuation.” WaPo reports at least 34 inured. https://t.co/qTQF9460gk— Steve Lookner (@lookner) January 28, 2024
– Нападни го Иран веднаш, сега. Нападни ги силно“, додаде Греам, кој беше гласен критичар на пристапот на администрацијата на Бајден кон Иран.
Демократската сенаторка Џеки Розен рече дека Техеран „мора да биде повикан на одговорност“.
Во меѓувреме, републиканскиот сенатор Рик Скот го поврза инцидентот со она што го гледа како слабеење на американската сила под Бајден, велејќи: „Иран отворено ја доведува во прашање силата и решителноста на САД благодарение на смирувањето на Бајден со најголемиот спонзор на тероризмот во светот. Ова мора да заврши.
🚨🚨🚨The Iranian-backed militias targeted three U.S. military bases in the past few hours, marking a clear and unprecedented escalation. They attacked the Tanf base twice and the Shaddadi base in northeastern Syria. The arrival of Iranian trainers to the region,… pic.twitter.com/80lnarl6IH— Omar Abu Layla (@OALD24) January 28, 2024
Републиканскиот сенатор Ден Саливан изјави дека иранските спонзори на терористите ја преминале црвената линија со тоа што убиле тројца храбри американски војници и раниле десетици други.
*Јордан негираше дека американски војници биле убиени на нејзина територија, но дека тоа се случило на сириска територија во областа Ал Танф, каде што американските сили го одржуваат своето воено присуство.
