Американскиот новинар Такер Карлсон ја напушти Русија утринава, во 4:15 часот по московско време, со авион кој летал на линијата Москва-Белград од аеродромот Шереметјево. Истовремено, тој ги потврди пишувањата на медиумите дека интервјуто со рускиот претседател Владимир Путин ќе биде објавено на 9 февруари на полноќ по македонско време.
„Такер Карлсон го интервјуира рускиот претседател Владимир Путин. Интервјуто ќе биде објавено утре во 18:00 часот по EST“, се вели на страницата на Карлсон на Инстаграм.

На социјалните мрежи се појави фотографија од Карлсон во авионот. Каналот Мах Телеграм објави дека американскиот новинар ја напуштил Москва со летот Москва-Белград.
Претходно прес секретарот на шефот на државата Дмитриј Песков потврди дека Карлсон се сретнал и разговарал со Путин.

Резултатот од разговорот се очекува да се појави на страницата на новинарот на X (поранешен Твитер) и на неговата веб-страница.
Карлсон во вторникот рече дека сега ќе бара средба со украинскиот претседател Володимир Зеленски, чии претходни интервјуа во американските медиуми немаат никаква врска со новинарството и се пропаганда.