Шефот на молдавската разузнавачка и безбедносна служба денеска изјави дека Русија ќе се обиде да предизвика протести во земјата и да се меша во претстојните претседателски избори и на тој начин да ја дестабилизира ситуацијата со цел да го наруши планот за влез во Европската унија.Александру Мустеата, директор на Службата за информации и безбедност, рече дека неговата агенција пресретнала рекордно ниво на активност на руските безбедносни служби од 2023 година и очекува уште повеќе дестабилизирачки акции оваа година.Мустеата тврди дека руските разузнавачки служби оваа година имаат намера да се мешаат во изборниот процес.– Имаме информации дека ќе се обидат да го компромитираат референдумот за евроинтеграции, дека ќе се мешаат во претседателските избори и дека ќе ги дискредитираат и институциите и политичарите кои го поддржуваат влезот на Молдавија во Европската унија – рече Мустеата.Односите меѓу Молдавија и Русија се распаднаа откако Кишињев зацрта проевропски пат и ја обвини Москва дека сака да ја дестабилизира земјата. Претседателката Маја Санду ја осуди руската инвазија на Украина и е решена да ја приклучи Молдавија кон европскиот блок и НАТО.
Пронајдете не на следниве мрежи:
