Руските сили синоќа извршија масовни воздушни напади врз неколку области во Украина, а експлозии одекнаа во Запорожје, Харков, Ивано-Франивков и Днепропетровск, додека воздушна закана беше прогласена на целата територија на Украина.

Мета беа Киев, Харков, Суми, Днепропетровск и Запорожје, како и градови во регионите Ивано-Франковск и Хмелницки. Министерството за енергетика на Украина тврди дека во тие делови на Украина се забележани бројни оштетувања на електричната мрежа, а во многу региони поради тоа нема струја. Меѓу другото, регионите Кировоград и Виница се делумно без струја.

Исто така, бомбардирана е фабрика за производство на тенкови во Харков, а според очевидци нападот бил многу моќен и забележани се околу 20 проектили како летаат во правец на тој индустриски комплекс. Пожарот избувнал во неколку фабрички објекти и засега е тешко да се процени степенот на штетата.