Турскиот претседател Реџеп Таип Ердоган изјави денеска дека „светската заедница го следи варварството“ на израелскиот премиер Бенјамин Нетанјаху, кого го нарече „ментално болен, манијак, психопат и вампир кој се храни со крв.”Министерството за комуникации на Турција на платформата X објави дека Ердоган на партиски состанок во Анкара рекол дека „младите почнуваат да ја гледаат изопаченоста на ционизмот“ и дека се надева на свет без ционистичка разврат.,,Ниту една религија не смета дека е легитимно да се палат до смрт невини цивили во нивните шатори“, се додава во соопштението на Министерството.Ердоган рече и дека и рацете на американската влада се извалкани со крв, велејќи дека таа е одговорна и за „геноцидот во Газа“.Израелските медиуми објавија дека Ердоган ги критикувал Израел и САД за војната во Газа во говорот на состанокот на неговата Партија на правдата и развојот (АКП) попладнево.Тој рече дека шефовите на држави во Европа станале соучесници во „израелскиот вампиризам“ затоа што молчат.