Илон Маск е на пат да стане првиот трилионер во светот до 2027 година. Од светските милијардери, Маск е најблиску до 13-цифрената сума, а неговото богатство расте.

На почетокот на 2020 година, Маск имаше вредност од околу 28,5 милијарди долари, според индексот на милијардери на Блумберг. До крајот на истата година, сумата порасна на 167 милијарди долари, а заклучно со септември неговото нето богатство се проценува на околу 265 милијарди долари.

Најголем двигател на богатството на Маск се акциите на Tesla, чија вредност порасна за време на пандемијата „Ковид-19“. Во јануари 2020 година, акциите на Тесла се движеа околу 30 долари. До јануари 2021 година, акциите се зголемија на речиси 300 долари по акција.