Премиерата на филмот „Unstoppable“ кој го продуцираше Џенифер Лопез заедно со нејзиниот поранешен сопруг Бен Афлек, синоќа беше откажана поради пожарот кој во моментов беснее во Лос Анџелес.Премиерата на филмот, која требаше да се одржи во театарот ДГА, ненадејно беше откажана во последен момент, поради проблеми предизвикани од зголемениот ветер и ширењето на пожарот.„Поради денешната загриженост за безбедноста поврзана со зголемената активност на ветерот и избувнувањето пожари во Лос Анџелес, ја откажуваме премиерата“, изјави претставник на студиото Amazon MGM за магазинот People.

„Иако со нетрпение очекувавме да го прославиме овој инспиративен филм со вас, безбедноста е наш приоритет број еден. Ви благодариме за разбирањето и ве молиме да останете безбедни“, рече тој.Филмот „Unstoppable“ е спортска драма базирана на вистинска приказна. Џенифер Лопез заедно со Бен Афлек и Мет Дејмон го продуцираа овој филм, кој го следи животот на Ентони Роблс.Роблс, кој е роден со едната нога, стана национален колегиумски шампион во борење во 2011 година. Во филмот, Лопез ја толкува улогата на мајката на Роблс, која беше клучен поддржувач во неговиот неверојатен успех.