Сојузен судија во Калифорнија нареди администрацијата на американскиот претседател Доналд Трамп да ги врати на работа илјадниците отпуштени службеници, кои беа погодени од неговата кампања за масовно намалување на федералната бирократија.Одлуката на судијата Вилијам Алсап, донесена на рочиште во Сан Франциско, се однесува на шест американски министерства: одбрана, за ветерани, земјоделството, енергетиката, внатрешните работи и финансии.Минатиот месец, Алсап привремено ја блокираше Канцеларијата за управување со човечки ресурси (ОПМ), која ги надгледува федералните агенции, да нареди отпуштања на вработени што сè уште се на пробна работа. Меѓутоа, тогаш не донесе одлука за нивно враќање на работа.Судијата сега пресуди дека ОПМ нема овластување да наредува отпуштања и дека има докази оти незаконски ги наложил отказите во шесте министерства. Сепак, не наложи враќање на работниците во преостанатите 16 министерства наведени во тужбата поднесена од синдикатите и невладините организации.– Тажен е денот кога нашата влада отпушта добар работник и тврди дека тоа е поради работниот учинок, а знаат многу добро дека тоа е лага, изјави судијата Алсап.Размерите на кампањата на Трамп за намалување на федералната бирократија би можеле да станат појасни веќе денеска, кога истекува рокот за државните агенции да достават планови за вториот бран масовни отпуштања и кратење на буџетите.
Пронајдете не на следниве мрежи:
©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола или посебен договор, не е дозволено преземање, користење или реемитување на вестите.
