Американскиот претседател Доналд Трамп го потпиша Законот GENIUS, кој за прв пат јасно го регулира крипто пазарот во САД.

Законот првенствено се однесува на стабилните монети – дигитални валути врзани за американскиот долар, со вкупен обем од околу 250 милијарди долари. Документот доби двопартиска поддршка и беше усвоен од Претставничкиот дом.

GENIUS воведува законска рамка за циркулација на криптовалути и го зајакнува надзорот врз издавачите на стабилни монети. Ова е првиот голем чекор во САД кон создавање регулиран крипто пазар на федерално ниво. Биткоинот едвај реагираше на веста, па дури и малку падна на ниво од 118 илјади долари. Инвеститорите очигледно очекуваа повеќе.