*Објава на Фејсбук на пратеникот од Левица, Амар Мециновиќ:

Пример, замисли да си ДПМНЕ, и да не си само година дена на власт, туку цели четири, од кои три во кохабитација со СДС во многу љубов и разбирање.

И пример, додека си соучесник и протагонист во СИТЕ корозивни процеси во изминатите 10 години, навикнат си ДОДЕКА го поткрепуваш статус-квото да глуматаш дека ти си решение за негово надминување.

И после долго глуматање – финале во кое сам себе си опозиционираш. Нагласувајќи дека доаѓа некое ветено време, додека си веќе на централна власт, и во пред-кампања за локални ќе градиш темели на ПРОМЕНИ во општините каде веќе ВЛАДЕЕШ четири години.

Јадрото на комуникацијата е: ние владееме, вие слободно во меѓувреме мечтајте за некои подобри времиња.

Без искрена комуникација на идеи и одговорност. Just vibes.