SpaceX, компанијата на американскиот милијардер Илон Маск, повторно го откажа пробниот лет на својата мега-ракета Starship во понеделник, наведувајќи ги лошите временски услови.
„За жал, нема да има лансирање бидејќи времето нè спречи во тоа“, изјави Ден Хуот, раководителот на SpaceX, за време на пренос во живо.
Компанијата го откажа овој десетти пробен лет во недела откако беше откриен системски дефект на земјата, нов удар за милијардерот Маск по серијата неуспешни тестови обележани со експлозии.
Мега-ракетата требаше да се лансира од базата на американската компанија во Тексас, во јужниот дел на САД.
Серијата проблеми наведе многу набљудувачи да се сомневаат во способноста на мега-ракетата да го спроведе проектот на Маск за колонизација на Марс.
Пронајдете не на следниве мрежи:
