По настан во главниот град, премиерот и лидер на ВМРО ДПМНЕ, Христијан Мицкоски денес информираше дека имале и директна средба со градоначалникот на Тетово, Биљал Касами на која разговарале поради неговите изјави за етничко гласање во вториот круг од локалните избори во Кичево.

„Да, јас се сретнав со Билал Касами, разговаравме, и мислам дека он веќе почна да ги испраќа оние вистински изјави кои треба да му прилегаат на еден градоначалник на мултиетничко Тетово, рече претседателот на ВМРО-ДПМНЕ.

Партијата на Мицкоски го има Александар Јовановски за кандидат за градоначалник на Кичево, а коалициониот партнер Биљал Касами во телевизиска дебата рече дека во тој град ќе го поддржат Албанецот, Фатмир Дехари од редовите на ДУИ.