Двете лица од раководството на „Комунална хигиена“ кои вчера беа приведени, се уште се во полициска станица.
Од Јавното обвинителство информираат дека постапката е во тек и повеќе детали најавуваат за подоцна.
– Лицата се задржани и постапката е во тек, велат од ЈОРСМ.
Приведен е директорот на Комунална хигиена Сабахудин Рустеми, а според информациите на телевизија Телма, вториот приведен е Аки Саити, раководител на сектор за управување со отпад.
Двајцата се сомничат за кривично дело согласно член 230 од Кривичниот законик односно за загрозување на животната средина и природата со отпадни материи.
