На гробиштата во Ѓорче Петров вчера се случила тепачка за паркинг место меѓу маж и жена. Во инцидентот жената употребила тврд предмет, соопшти Министерството за внатрешни работи.

„На 24.01.2026 во 12:00 часот во СВР Скопје е пријавено дека во кругот на гробиштата на подрачјето на Ѓорче Петров во Скопје, по претходно недоразбирање околу паркинг простор, бил нарушен јавниот ред и мир со физичка пресметка помеѓу Ј.Ф.С.(38) и Д.С.(33) двајцата од Скопје, при што Ј.Ф.С. употребила и дрвен предмет, додека Д.С. физички ја нападнал мајката на Ј.Ф.С., С.Ф.(60)“ соопшти МВР.

Од полицијата додаваат дека по целосно документирање ќе следува соодветна пријава против сторителите.