Левица денеска побара оставка од пратеничката на ВМРО ДПМНЕ Дафина Стојаноска откако таа објави видео од претседателот на ССМ со неговите малолетни деца.
Screenshot
Од Левица велат дека пратеничката функција е сосема спротивна од она што Стојаноска го демонстрира. – Кога некој ја користи функцијата за таргетирање поединци, за вовлекување семејства и деца во политички пресметки и поттикнување атмосфера на заплашување, тој престанува да ја остварува суштината на пратеничката улога и ја сведува функцијата во параван за партиска агресија, оценува Левица.
Од Левица велат дека Стојаноска, години наназад е симбол на политичка привилегираност, која цел круг на фамилија го има вдомено во државните институции, со шест стана, меѓу кои и четири во Скопје и енормни патни трошоци кои ги наплатува од државната каса.
Пратеник кој свесно ги преминува границите на приватност, пристојност и интима – очигледно не си ја разбира обврската како народен претставник, па не ни заслужува да седи во законодавниот дом, велат од Левица.
Оставката на Дафина Стојаноска, според Левица, е чин што барем минимално би го ублажил овој скандал и срам за Собранието.
