Помошникот-директор на пулмологија, Спасоје Попевиќ, кој е задолжен за неговото лекување, зборуваше за здравствената состојба на министерот за внатрешни работи, Ивица Дачиќ , кој беше хоспитализиран поради билатерална пневмонија.
– Засега е стабилен, продолжуваат интензивните мерки за лекување и ноќта ја помина мирно – рече докторот
Како што истакна, јавноста ќе добие нови информации попладне, во 17 часот.
Тој истакна дека секоја можна промена ќе биде навремено објавена.
Да потсетиме дека министерот за внатрешни работи, Ивица Дачиќ, е на болничко лекување во Универзитетскиот клинички центар на Србија, поради билатерална пневмонија, а неговата здравствена состојба лекарите ја оценуваат како сериозна, но стабилна.
Дачиќ е сè уште под постојан медицински надзор и се применуваат сите потребни терапевтски мерки.
The post Лекарот што го лекува Дачиќ објави: „Интензивните мерки за лекување продолжуваат…“ appeared first on Во Центар.
