Синоќа избувнал пожар во Пречистителната станица за отпадни води во кочанското село Мојанци. Горела инсталација од системот за пренос на метан, а благодарение на брзата реакција на пожарникарите спречено е пожарот да се прошири во делот каде се чувал метанот.
Интервенирано е со четири возила и осум пожарникари, а пожарот бил пријавен околу 20:30 часот.
– Пожарот од наша страна брзо е локализиран и изгаснат. Беше запален и зафатен дел од прочистувањето на метанот, но сега веќе нема опасност. Фабриката продолжува да работи, вели командирот на кочанската Противпожарна единица Драган Апостолов.
