Поранешниот сопруг на британската пејачка Ејми Вајнхаус, Блејк Филдер-Цивил, повторно јавно проговори за обвинувањата што го следат со години, а се однесуваат на нејзината прерана смрт во 2011 година.
Имено, во неодамнешното појавување во подкастот „We Need to Talk“, тој се осврна на својата улога во нејзиниот живот и проблемите со зависноста, нагласувајќи дека не негира дел од одговорноста, но ги отфрла тврдењата дека тој бил единствениот виновен.
„Мојот став сега е дека знам дека многу луѓе, особено оние што ги следеа медиумите пред 20 години, можеби сметаат дека сум одговорен за смртта на Ејми. Како што секогаш велев, не бегам од одговорност. Ако сум направил нешто, ќе го признаам“, рече Блејк.
Зборувајќи за почетоците на нивната зависност, тој призна дека бил со неа кога првпат пробала хероин, но истакна дека таа претходно имала искуство со дрога.
„Вистина е дека бев со Ејми кога првпат зеде хероин, но таа почна да експериментира со кокаин со поранешен партнер пред мене. Никогаш не сум ја обвинувал личноста што прва ми дала дрога. Не разбирам зошто луѓето мислат дека ја натерав на тоа – едноставно не се случило“, рече тој.
Тој додаде дека пејачката била исклучително силна и независна личност која сама ги донесувала своите одлуки.
„Ејми беше многу силна жена. Таа сама донесуваше одлуки за сè што правеше. Ова не е непочитување кон неа, но таа правеше што сакаше. Иако алкохолот почна да ја уништува, таа продолжи по тој пат“, рече тој.
Иако негира целосна одговорност, тој призна дека со текот на времето се помирил со фактот дека имал одредена улога во нејзината смрт, која се случила поради труење со алкохол.
„Не бегам од одговорност, но приказната дека јас ѝ го овозможував тоа секој ден не е вистинита. Не бев дилер“, истакна тој.
Филдер-Цивил, кој бил во затвор во времето на нејзината смрт, рече дека сè уште чувствува посебна врска со неа денес.
„Никогаш не би рекол ништо лошо за Ејми. Но, знам дека таа не би сакала денес да седам тука и да кажам дека сè е моја вина. Би ми рекла: „Собери се и кажи ја вистината“, сподели тој.
На крајот, тој заклучи дека двајцата се млади и изгубени во зависност.
„Бевме само млади зависници. Не почнавме така, но станавме такви – и тоа може да му се случи на секого. Нашата љубов не беше причина за зависноста, ниту пак зависноста беше причина за нашата љубов. Тука сè тргна наопаку. Тоа не бевме ние“, рече тој.
The post Поранешниот сопруг на Ејми Вајнхаус за нејзината смрт, дрога и зависност: Таа сама донесувала одлуки за сè што правела appeared first on Во Центар.
