Бурно време со силни ветрови, а повремено и снег, предизвикува големи проблеми во Словенија втор ден по ред . Силниот ветер, соборувајќи дрвја и оштетувајќи покриви, предизвика најголема штета досега во Горењска.
Околу 5.000 потрошувачи се без електрична енергија, објави Електро Марибор. Црвено временско предупредување е издадено за северот на земјата до вечерва, а портокалово временско предупредување за јужниот дел. Поради ова, отстранувањето на дефектите се одвива побавно, јавува агенцијата СТА.
Словенечката агенција за метеорологија и вода (Арсо) очекува силниот ветер да стивне вечерва и во текот на ноќта.
– Можеме да кажеме дека ноќта ќе донесе одредено олеснување, но налетите на ветерот сепак можат да бидат силни – изјави метеорологот Бранко Грегорчиќ од Арсо на прес-конференција.
Од четврток, Управата за цивилна заштита и спасување на Република Словенија регистрираше повеќе од 800 интервенции во кои учествуваа околу 270 противпожарни бригади и други единици, а бројот на повици за помош надмина 3.000, што е приближно шест до седум пати повеќе од вообичаениот број повици за 24 часа, изјави Леон Бехин, раководител на управата.
Ветерот ги откри покривите на околу 300 станбени и повеќе од 10 индустриски згради, додека училиштата и градинките во Горењски и Згорње Посочје беа затворени. Немаше жртви.
Мерните станици на Арса регистрираа налети на ветер од 100 до 150 километри на час во планинските региони и од 80 до 100 километри на час во пониските региони. Силните ветрови го нарушуваат и воздушниот сообраќај, па затоа многу летови се пренасочени или откажани.
The post ВОНРЕДНА СОСТОЈБА ВО СЛОВЕНИЈА: Ураганскиот ветер корнеше дрвја и покриви, повеќе од 500.000 луѓе се под црвена тревога! Снегот не престанува, земјата е парализирана (ФОТО) appeared first on Во Центар.
Пронајдете не на следниве мрежи:
