Цените на нафтата и гасот честопати изгледаат непредвидливи бидејќи понекогаш нагло растат, а понекогаш паѓаат без очигледна причина. Иако на прв поглед може да изгледа дека сè е едноставно понуда и побарувачка, реалноста е многу посложена.
Краткиот одговор е дека цената, секако, ја одредува пазарот, иако објаснувањето е малку покомплицирано. Под пазар подразбираме земји и компании што произведуваат нафта, како и трговци со нафта.
Првата група е под силно влијание на ОПЕК+, картел од 23 земји производители на нафта кои се обидуваат да ја контролираат цената со колективно одлучување колку да произведуваат.
Ако сакаат цената да се зголеми, се согласуваат да дупчат и да произведуваат помалку. Ако сакаат цената да падне, го зголемуваат производството.
ОПЕК+ произвеле околу 59 проценти од светската нафта во 2022 година, според официјалните податоци од Соединетите Американски Држави, и затоа нивните одлуки се важни, но тие не ја контролираат цената целосно.
Големите нафтени компании како што се „Шел“ и „БП“ донесуваат свои одлуки, како и другите земји производители кои не се дел од ОПЕК+, како што се Соединетите Американски Држави.
Втората група ја сочинуваат трговци со нафта: поединци, инвестициски компании и фондови кои купуваат и продаваат нафта на пазарот. Тие обично тргуваат со договори за купување одредена количина нафта по однапред договорена цена во одреден момент во иднина. Со други зборови, тоа е еден вид облог на идната цена на нафтата.
Слична е ситуацијата и со цените на гасот, каде што земјите и компаниите што произведуваат гас го контролираат производството, додека трговците со фјучерси за гас купуваат и продаваат договори.
Би-Би-Си, како и многу други медиуми и економисти, обично ги користат таканаречените едномесечни фјучерси договори како референтна вредност за цените на нафтата и гасот, бидејќи тие се сметаат за помалку волатилни во споредба со другите индикатори.
The post Кој ги одредува цените на нафтата и гасот во светот: Постојат две групи, а ситуацијата е посложена од понудата и побарувачката appeared first on Во Центар.
