Луксузниот хотел Бурџ Ал Араб во Дубаи ќе биде затворен за време на големата 18-месечна реконструкција, потврди хотелот.
Сопственикот на хотелот „Џумеира груп“ објави дека работите ќе се изведуваат во фази во текот на следната година и пол, а проектот за реновирање го води парискиот архитект за ентериер Тристан Оер. Иако компанијата официјално не прецизираше дали хотелот ќе биде целосно затворен за време на работите, извор од хотелот наведува дека објектот привремено ќе ги прекине операциите.
Ова е прво реновирање на хотелот откако беше отворен во 1999 година.
На гостите кои веќе имаат резервации ќе им биде понуден алтернативен сместувачки капацитет во блиските хотели од портфолиото на Jumeirah Group, додека се нагласува дека планираниот период на затворање е предмет на промена.
Препознатлив по обликот на едрото, Бурџ Ал Араб се смета за едно од најпознатите обележја на Дубаи и симбол на луксузен туризам во регионот.
BREAKING: Iranian drone hit the five-star Burj Al Arab hotel in Dubai, UAE.The 321-meter, 60-story tower stands on an artificial island. pic.twitter.com/SZaJrAUq3n— Clash Report (@clashreport) February 28, 2026
Хотелот претрпе помала штета во февруари, откако остатоци од пресретнувањето на ирански дрон ја погодија неговата фасада. Сепак, хотелот тврди дека најавеното реновирање не е поврзано со тој инцидент.
Од „Џумеира Груп“, тие не го поврзаа проектот со актуелните геополитички настани.
Сепак, времето на започнување на работите се совпаѓа со падот на туристичката активност во регионот, поради конфликтот што предизвика прекини во воздушниот сообраќај и намален интерес на патниците за дестинациите на Блискиот Исток.
The post Дубаи: Луксузниот хотел Бурџ Ал Араб се затвора 18 месеци, беше погоден од ирански дрон во февруари appeared first on Во Центар.
