Скопје денеска беше зафатено од сериозен пожар кој избувна под скопското Кале, при што едно лице е повредено, а неколку автомобили беа зафатени од огнената стихија.Според информациите од Министерството за внатрешни работи, пожарот започнал попладнево околу 15:40 часот, при што првично горела сува трева и смет, а потоа пламените јазици брзо се прошириле кон паркираните возила.
Во пожарот биле зафатени најмалку пет автомобили, од кои дел целосно изгореле, а дел претрпеле сериозни оштетувања.
Повредено едно лицеВо текот на интервенцијата, едно лице се здобило со повреди, по што му била укажана медицинска помош.
Брза реакција спречи поголема трагедијаКлучна улога во спречување на поголема катастрофа имал припадник на Армијата, Христијан Божиновски, кој реагирал присебно и пожртвувано.Тој, забележувајќи го пожарот додека заминувал од работното место, веднаш интервенирал и помогнал да се спречи ширење на огнот кон останатите возила и околните површини. Според информациите, токму неговата навремена реакција била пресудна за да не се прошири пожарот во поголеми размери.Брза интервенција на пожарникаритеНа терен веднаш излегле екипи на Противпожарната бригада на Град Скопје со повеќе возила и пожарникари, кои успеале да го локализираат и изгаснат пожарот за кратко време.Се утврдува причинатаНадлежните институции работат на утврдување на точните причини за избувнување на пожарот.
The post ОГНЕН ПЕКОЛ ПОД КАЛЕ: Едно лице повредено, изгореа автомобили – војник со херојска реакција спречи катастрофа appeared first on Во Центар.
