Високиот претставник на меѓународната заедница во Босна и Херцеговина, Кристијан Шмит, изјави за ФАЗ дека ќе продолжи да ја извршува својата функција сè додека не се избере наследник.

Кристијан Шмит изјави за Франкфуртер Алгемајне Цајтунг (ФАЗ) дека поднесува оставка од функцијата висок претставник. По речиси пет години, „Кристијан Шмит лично одлучи да ја заврши својата служба во спроведувањето на мировниот процес во Босна и Херцеговина“, се вели во соопштението на Канцеларијата на високиот претставник во Босна и Херцеговина (ОХР), објави германскиот весник.

Шмит истакна дека ќе продолжи да ја извршува својата функција сè додека не се избере наследник. Според ФАЗ, САД со месеци вршат притисок и бараат Шмит, кого РС не го признава за висок претставник во Босна и Херцеговина, да поднесе оставка што е можно поскоро.