Најмалку петмина луѓе се убиени денеска, а седуммина се ранети, кога вооружен напаѓач отворил оган во близина на градот Мерсин на југот на Турција, објави Би-би-си.

Осомничениот Метин О. (37) ја убил својата поранешна сопруга Арза О. (32) со огнено оружје, по што избегал со автомобил.

Потоа, тој наводно дошол пред ресторан во населбата Кадели, каде што од возилото отворил оган врз објектот.

Според извештаите, напаѓачот прво пукал во ресторанот, каде што убил најмалку двајца, а другите жртви настрадале на други локации.

По нападот, полицијата и жандармеријата започнале обемна потрага по осомничениот, со вклучување на копнени и на воздушни единици.

Мотивите за крвавиот поход сè уште не се познати.

🔴Mersin’in Tarsus ilçesinde silahlı saldırı gerçekleştiren şüpheli, 4 kişinin ölümüne, 8 kişinin ise yaralanmasına neden oldu.

Şüpheliyi yakalamak için helikopter destekli operasyon başlatıldı. pic.twitter.com/aSfaeY2jLk

— Selâmi Haktan (@slmhktn) May 18, 2026