Европските берзански индекси генерално пораснаа денес, при што суровата нафта од типот Брент падна на околу 110 долари за барел, или 1,5 проценти во однос на претходниот ден. Цената на суровата нафта (WTI), според податоците за отворањето на пазарот, падна од 104,4 долари во понеделник на 103,78 долари, или 0,58 проценти.

Цените на нафтата од типот Брент и WTI паднаа од понеделник, првенствено поради намалените геополитички тензии откако американскиот претседател Доналд Трамп привремено го суспендираше планираниот воен напад врз Иран, а пазарот реагираше со повлекување на премиите, што предизвика цените малку да ослабат во раните часови од тргувањето. Цената на гасот на TTF е околу 50 EUR/MWh, што одговара на приближно 518 евра за 1.000 кубни метри и претставува намалување од околу 0,5 проценти во споредба со претходниот ден, но сепак е за 24 проценти повисока од минатиот месец.

Европските индекси на берзата се мешани, односно некои се во мал пораст, а некои во опаѓање, па така европските индекси на берзата се Euro Stoxx 50: 5.857 поени (+0,58 проценти), германски DAX: 24.307 поени (+1,49 проценти), француски CAC 40 (Франција): 7.987 поени (+0,44 проценти), италијански FTSE MIB: 48.669 поени (-0,91 проценти). Американскиот индекс S&P 500 се во мал пад (-0,07 проценти), а Nasdaq -0,51 проценти. Златото се тргува по околу 4.590 долари за унца, а еврото по околу 1,164 долари за евро. Денешната цена на пченицата е 677,86 долари за бушел (27,2 кг), што е зголемување од 2,01 процент во однос на понеделникот.