Триесетдневен притвор доби возачот на камион со косовски таблички кој ја предизвика сообраќајна несреќа на скопската обиколница во која загинаа четири лица.
– Доцна синоќа е определена мерка притвор на осомничениот за сообраќајката на обиколница, поради опасност од бегство и можност за повторување на кривичното дело, информираше денеска Кривичниот суд.
Возачот на камионот, 76-годишен косовски државјанин, се товари за тешки дела против безбедноста на луѓето и имотот во сообраќајот.
Според Обвинителството, возачот на камион не се придржувал кон прописите на патот и не ја прилагодил брзината кон условите на патот. Изгубил контрола над возилото, удрил во металната ограда и преминал на другата страна од автопатот каде се движело БМВ во кое загинаа четири лица од кои тројца 20-годишни момчиња.
Меѓу загинатите е и познатиот баритон на Македонската опера Ристе Велков.
The post Триесетдневен притвор за возачот на камион кој ја предизвика сообраќајката на скопската обиколница appeared first on Provereno.
