Шведска се подготвува да донира и продаде борбени авиони JAS 39 Gripen од различни модификации на Украина, објавија шведските медиуми.

Според весникот „Афтонбладет“, се очекува шведскиот премиер Улф Кристерсон денес да ја објави одлуката за предавање на верзијата JAS 39 Gripen C/D. Во исто време, се очекува да започнат преговори за евентуална продажба на посовремени авиони JAS 39 Gripen E, кои би се финансирале од заем од Европската Унија.

Кристерсон денес ќе ја посети и воздухопловната единица Упланд во Упсала, каде што е планирана прес-конференција на која ќе бидат презентирани нови информации за меѓународната соработка во областа на воздухопловството.