недела, 22 ноември 2026
Најново

Хаос во Њујорк: Прогласена е вонредна состојба 

Претпочитан извор Додај го Пулс24 во твоите извори на Google Додај

Гувернерката на Њујорк, Кети Хочул, прогласи вонредна состојба за Њујорк и окрузите Насау, Сафолк и Вестчестер поради силна крајбрежна бура што носи ризик од поплави, силни ветрови и прекини на електричната енергија во текот на викендот.

„Сфатете ја оваа бура сериозно . Бидете внимателни и избегнувајте непотребни патувања“, рече Хочул.

ПУЛС24.МК - 14 ГОДИНИ

Станува збор за силен нореистер , вид крајбрежна бура карактеристична за североисточниот дел на САД. Според најновата прогноза на градските власти, патеката на бурата се приближила кон Њујорк , па затоа се очекуваат повеќе дожд и посилни ветрови од претходно прогнозираното.

Во Њујорк се очекуваат помеѓу50 и 75 милиметри дожд , а локално може да наврнат и повеќе. Налетите на ветерот би можеле да достигнат помеѓу 65 и 80 километри на час, особено од петок навечер до сабота навечер.

I’m declaring a State of Emergency for Nassau, Suffolk, New York City and Westchester as this powerful coastal storm bears down on the region.We’re expecting dangerous coastal flooding, strong winds and potential power outages through the weekend. Take this storm seriously.…— Governor Kathy Hochul (@GovKathyHochul) September 25, 2026

Крајбрежните поплави се очекуваат за време на плимата во петок навечер и сабота наутро. Долните делови на Квинс, Бруклин и Стејтен Ајленд се особено изложени на ризик.

Градоначалникот на Њујорк, Зохран Мамдани, ги повика граѓаните да бидат внимателни и да избегнуваат непотребни патувања.

„Не возете ниту одете низ поплавната вода“, предупреди тој.

Градските служби ги чистат одводните канали, ги подготвуваат екипите за евентуално сечење дрвја и распоредуваат служби за итни случаи во подрачјата склони кон поплави.

На граѓаните им беше препорачано да ја проверат состојбата на јавниот превоз, фериботскиот и воздушниот сообраќај пред да патуваат, како и да ги избегнуваат ниските крајбрежни патишта за време на плима.
The post Хаос во Њујорк: Прогласена е вонредна состојба  appeared first on Во Центар.

Поврзани вести