Четворица загинаа откако хеликоптер се урна во мало место на околу 50 километри од Монтреал во Канада, соопшти провинциската полиција на Квебек за „Би-би-си“.

Итните служби биле повикани во Сент Брижид д’Ибервил во саботата, нешто по 14:30 часот по локално време. На местото затекнале летало во пламен, а сите во него биле прогласени за мртви.

Жртвите сè уште не се идентификувани, а според наредничката Одри-Ан Билодо, најверојатно станува збор за приватен хеликоптер.

Истрагата ја води Одделот за тешки кривични дела при полицијата на Квебек, во соработка со крим-техничари и истражители од Канадскиот одбор за безбедност во транспортот.

Местото на несреќата се наоѓа во близина на патот Ранг де Зекосе, недалеку од автопатот 10. Полицијата претходно примила итен повик за хеликоптер во неволја, за кој постоело сомнение дека се урнал и се запалил.

Пожарот бил ставен под контрола околу еден час по повикот, но службите останале на терен и нешто пред 22 часот по локално време.

Билодо изјави дека идентификацијата на жртвите може да потрае неколку дена