Претседателот на Соединетите Американски Држави, Доналд Трамп, објави дека европските земји се согласиле да ослободат барели дизел од своите резерви, откако претходно се закани дека ќе го забрани извозот на овој енергенс од САД.
Трамп објави на својата социјална мрежа Truth Social дека европските земји подлегнале на американскиот притисок.
„Европа штотуку постигна договор за ослободување на голема количина дизел од своите изобилни залихи. Процесот ќе започне веднаш“, објави Трамп.
Пред објавувањето, европските земји одржаа кризен состанок на кој најавија „директен и остар“ одговор на американските закани за забрана на извозот.
САД претходно побараа од европските земји, првенствено од Франција и Германија, да ослободат 120 милиони барели дизел од своите резерви со цел да ја намалат цената на ова гориво пред изборите што ќе се одржат во Америка во ноември.
Високите цени на дизелот се голем проблем за републиканците, кои се надеваат дека ќе ја задржат контролата врз двата дома на Конгресот на овие избори, иако анкетите предвидуваат победа на демократите.
The post Доналд Трамп тврди дека Европа подлегнала на американскиот притисок: Тие ослободуваат барели дизел од резервите appeared first on Во Центар.
