Ким Кардашијан зборуваше за својата врска со Канје Вест во интервју со новинарот Џонатан Ван Метер, а списанието „The Cut“ објави извадок од неговата книга „Граѓанинката Ким: Жената што ја создаде иднината“, која треба да излезе кон крајот на октомври.
Ким и Канје ја започнаа својата врска во 2012 година, а таа верува дека тој бил привлечен и од можноста да го промени нејзиниот имиџ.
„Мислам дека тој всушност се заљуби во идејата за мене и во сè што можеше да направи од неа“, рече таа.
Набрзо, неговиот тим стилисти ја исфрлил речиси целата облека од нејзиниот плакар и ја заменил со дизајнерски парчиња.
„Речиси се расплакав. Ги собирав тие чевли со години!“, се присети Ким, но призна дека Канје ѝ помогнал да стекне самодоверба.
„Ми го промени животот. Апсолутно ми го промени животот“, рече таа.
Само седум месеци по почетокот на врската, таа неочекувано забременила, иако лекарите претходно ѝ кажале дека може да има проблеми со зачнувањето.
„Буквално мислев дека мојот живот е завршен“, призна таа, додавајќи дека толку многу плачела што не можела да му каже на Канје што се случило, па затоа тој помислил дека некој од нејзиното семејство починал.
По една недела размислување, таа одлучи да ја продолжи бременоста, а ќерката Норт се роди во јуни 2013 година.
Според продуцентот Фарназ Фарџам, Канје вербално ја нападнал Крис Џенер и остатокот од семејството на роденденската забава на Кејтлин Џенер во октомври 2020 година, бидејќи не гласале за него на претседателските избори. Тепачката траела околу 30 минути, но не била прикажана во реалното шоу „Keeping Up With the Kardashians“.
Проблемот беше и желбата на Канје семејството да се пресели во Вајоминг, со што Ким не се согласи. Таа поднесе барање за развод во февруари 2021 година, а разводот беше финализиран во ноември 2022 година.
The post Ким Кардашијан за Канје Вест: Се заљуби во идејата за мене и во сè што можеше да направи од неа appeared first on Во Центар.
