Американската Федерална управа за воздухопловство (ФАА) во петокот, на 13 ноември, привремено ги запре полетувањата од сите аеродроми во САД откако проблеми со комуникациите погодија повеќе регионални центри за контрола на воздушниот сообраќај. Агенцијата ја воведе мерката од безбедносни причини.
Според извештајот на CNN, прекините истовремено зафатиле радари и радиофреквенции што ги користат контролорите на летови. Во известување до авиокомпаниите, ФАА навела проблеми со радиофреквенциите и радарските капацитети. Точниот број на засегнати радари и радиофреквенции останува нејасен.
Со мерката беа запрени полетувањата, додека авионите што веќе беа во воздух можеа да слетаат. За меѓународните летови што пристигнуваа во САД, ФАА соопшти дека ќе одлучува поединечно.
Американскиот секретар за транспорт Шон Дафи изјави дека техничките екипи на ФАА ја испитуваат причината за прекинот. Секретарот за внатрешна безбедност Марквејн Малин рече дека засега нема индиции за кибернапад. Ова е прва национална забрана за полетување во САД од јануари 2023 година, кога откажа системот за испраќање важни известувања до пилотите.
